Germaniyaning "Borussiya Dortmund" klubi janubiy amerikalik iqtidorlarni izlab topishda davom etmoqda. Bu safar dortmundliklar nigohi "Kruzeyro"ning chap qanot himoyachisi Kaua Pratesga tushdi.
Fabrisio Romanoning xabar berishicha, transfer bo‘yicha kelishuvga erishilgan. Germaniya klubi futbolchi uchun 7 million yevro naqd va qo‘shimcha 5 million yevro miqdorida bonuslar to‘laydigan bo‘ldi.
Prates yaqin kunlarda tibbiy ko‘rikdan o‘tish va shartnoma imzolash uchun Dortmundga yetib kelishi kutilmoqda. Bu transfer "arilar"ning mudofaa qanotlarini yoshartirish strategiyasining bir qismi hisoblanadi.
