Германиянинг "Боруссия Дортмунд" клуби жанубий америкалик иқтидорларни излаб топишда давом этмоқда. Бу сафар дортмундликлар нигоҳи "Крузейро"нинг чап қанот ҳимоячиси Кауа Пратесга тушди.
Фабрицио Романонинг хабар беришича, трансфер бўйича келишувга эришилган. Германия клуби футболчи учун 7 миллион евро нақд ва қўшимча 5 миллион евро миқдорида бонуслар тўлайдиган бўлди.
Пратес яқин кунларда тиббий кўрикдан ўтиш ва шартнома имзолаш учун Дортмундга етиб келиши кутилмоқда. Бу трансфер "арилар"нинг мудофаа қанотларини ёшартириш стратегиясининг бир қисми ҳисобланади.
