Uzoq vaqt davomida Tibo Kurtuaning o‘rnini egallagan ukrainalik 27 yoshli posbon "soyada" bo‘lishdan charchadi va doimiy ravishda o‘ynashni xohlamoqda.

Qayd etilishicha, Lunin mavsum yakunida "qaymoqranglilar"ni tark etadi va katta ehtimol bilan faoliyatini Angliya premyer-ligasida davom ettiradi. Unga "Manchester Yunayted", "Nyukasl", "Tottenxem", "Chelsi" va "Vest Xem" kabi jamoalar qiziqish bildirgan.

"Lunin allaqachon bir nechta jamoadoshlariga o‘z qarorini ma’lum qilgan. U yakuniy va uni hech kim o‘zgartira olmaydi", - deya ta’kidlaydi manba.