"Real" hujumchisi Endrik faoliyatini Angliyada davom ettirishi mumkin.
"Fichajes" nashri bergan ma’lumotlarga ko‘ra, ayni paytda ijara asosida "Lion"da to‘p surayotgan braziliyalik futbolchini sotib olishga "Manchester Yunayted" qiziqish bildirmoqda. Aynan "qizil iblislar" yosh iqtidor egasining transferi uchun kurashda yetakchilik qilishmoqda. "MYU" Endrikka muntazam o‘yin amaliyotini kafolatlashga tayyor.
Endrik 2024 yilda "Palmeyras"dan "Real"ga 47 million yevro evaziga o‘tgan edi. Uning madridliklar bilan shartnomasi 2030 yilning 30 iyuniga qadar mo‘ljallangan. Joriy mavsumda braziliyalik "Lion" safida barcha turnirlarda oltita o‘yin o‘tkazib, beshta gol urdi va bitta golli uzatmani amalga oshirdi. Shuningdek, Endrik yanvar oyi yakunlariga ko‘ra Ligi 1 ning eng yaxshi futbolchisi deb topildi.
