Madridning «Real» klubidan «Lion»ga ijaraga berilgan hujumchi Endrik jamoadoshi Vinisius Juniorni qo‘llab-quvvatladi.
25 yoshli futbolchining Chempionlar Ligasi doirasidagi «Benfika»ga qarshi o‘yinda golni nishonlashi salbiy reaksiyalarga sabab bo‘lgan edi.
«Vini, to‘xtab qolma va o‘sha sehrli tabassumingni hech qachon yo‘qotma, birodar. Har qanday vaziyatda sen bilanman. Raqs tushishda davom et», — deb yozdi Endrik ijtimoiy tarmoqlardagi sahifasida.
Gol urilganidan ko‘p o‘tmay, Vinisius uchrashuv hakamiga «Benfika» vingeri Janluka Prestianni tomonidan bo‘lgan irqchilik haqoratlari bo‘yicha shikoyat qildi. Braziliyalik futbolchining aniq zarbasi o‘yindagi yagona gol bo‘lib qoldi va «qaymoqranglilar»ga 1:0 hisobidagi g‘alabani taqdim etdi.
