Мадриднинг «Реал» клубидан «Лион»га ижарага берилган ҳужумчи Эндрик жамоадоши Винисиус Жуниорни қўллаб-қувватлади.
25 ёшли футболчининг Чемпионлар Лигаси доирасидаги «Бенфика»га қарши ўйинда голни нишонлаши салбий реакцияларга сабаб бўлган эди.
«Вини, тўхтаб қолма ва ўша сеҳрли табассумингни ҳеч қачон йўқотма, биродар. Ҳар қандай вазиятда сен биланман. Рақс тушишда давом эт», — деб ёзди Эндрик ижтимоий тармоқлардаги саҳифасида.
Гол урилганидан кўп ўтмай, Винисиус учрашув ҳакамига «Бенфика» вингери Жанлука Престианни томонидан бўлган ирқчилик ҳақоратлари бўйича шикоят қилди. Бразилиялик футболчининг аниқ зарбаси ўйиндаги ягона гол бўлиб қолди ва «қаймоқранглилар»га 1:0 ҳисобидаги ғалабани тақдим этди.
