«Chelsi» yarim himoyachisi Koul Palmer «Manchester Yunayted»ga o‘tishi mumkin. Bu haqda futbolchining yaqin do‘sti ijtimoiy tarmoqlarda ma’lum qildi.
Palmerning do‘sti Koul bilan tushgan birgalikdagi suratini joylashtirdi. Surat ostiga u qachondir Palmer «Manchester Yunayted»da o‘ynashini va Koul «Chelsi»da to‘p surayotganiga qaramay, «qizil iblislar» hamon uning sevimli klubi bo‘lib qolayotgani haqida izoh qoldirgan.
Eslatib o‘tamiz, avvalroq OAVda «MYU»ning Palmerga qiziqishi haqida mish-mishlar tarqalgan edi. Futbolchining o‘zi esa bu ma’lumotni tasdiqlamagan.
