Italiyaning «Atalanta» klubi Dortmundda mag‘lubiyatga uchradi va Bergamo jamoasi ustozi Raffaele Palladino yanvar oyida klubga kelib qo‘shilgan Janluka Skamakkadan ko‘proq narsa kutayotganini ochiq aytdi. Skamakkaning Londonning «Vest Xem» klubidagi ishlari yurishmagan va u yana A Seriyaga qaytgan edi.
«Skamakka ko‘proq harakat qilishi kerak, u bizga ko‘proq foyda keltira oladi, bunga hech qanday shubha yo‘q», — deya mutaxassisning so‘zlarini keltiradi calcioatalanta.it sayti.
Javob uchrashuvi bir haftadan keyin Bergamoda bo‘lib o‘tadi. Italiya chempionatida «Atalanta» ayni damda oltinchi o‘rinni egallab turibdi va navbatdagi turda o‘z uyida Italiyaning amaldagi chempioni — «Napoli»ni qabul qiladi.
