Germaniyaning «Bayer» klubi hujumchisi Patrik Shik Chempionlar ligasi doirasida «Olimpiakos»ga qarshi kechgan o‘yinda dubl qayd etgach, uchrashuv borasida o‘z fikrlarini bildirdi. Bahs «Bayer»ning 2:0 hisobidagi g‘alabasi bilan yakunlandi.
«Ba’zan o‘z imkoniyatingni butun o‘yin davomida kutishingga to‘g‘ri keladi. Bunga tayyor bo‘lish kerak, hujumchining ishi shundan iborat. Bugun kerakli vaqtda kerakli joyda paydo bo‘ldim. Qishki tanaffusdan keyin startimiz og‘ir kechdi, lekin biz ancha o‘sishga erishdik», - deya futbolchining so‘zlaridan iqtibos keltiradi UEFA rasmiy sayti.
30 yoshli Patrik Shik joriy mavsumdagi 28 ta o‘yinda 13 ta gol va 3 ta golli uzatmani amalga oshirdi. Transfermarkt portali futbolchining transfer qiymatini 25 million yevroga baholamoqda.
