Германиянинг «Байер» клуби ҳужумчиси Патрик Шик Чемпионлар лигаси доирасида «Олимпиакос»га қарши кечган ўйинда дубль қайд этгач, учрашув борасида ўз фикрларини билдирди. Баҳс «Байер»нинг 2:0 ҳисобидаги ғалабаси билан якунланди.

«Баъзан ўз имкониятингни бутун ўйин давомида кутишингга тўғри келади. Бунга тайёр бўлиш керак, ҳужумчининг иши шундан иборат. Бугун керакли вақтда керакли жойда пайдо бўлдим. Қишки танаффусдан кейин стартимиз оғир кечди, лекин биз анча ўсишга эришдик», - дея футболчининг сўзларидан иқтибос келтиради УЕФА расмий сайти.

30 ёшли Патрик Шик жорий мавсумдаги 28 та ўйинда 13 та гол ва 3 та голли узатмани амалга оширди. Transfermarkt портали футболчининг трансфер қийматини 25 миллион еврога баҳоламоқда.