«Barselona» bosh murabbiyi Xans-Diter Flik yarim himoyachi Frenki de Yongning harakatlaridan mamnun. Germaniyalik mutaxassis niderlandiyalik futbolchini asosiy yarim himoyachi deb hisoblaydi, biroq shu bilan birga, undan muhim o‘yinlarda intensivlikni (shiddatni) oshirishni so‘radi. Flikning fikricha, de Yong maydonda ko‘proq tavakkal qilib o‘ynashi mumkin. Bu haqda The Touchline nashri xabar bermoqda.

Joriy mavsumda Frenki de Yong 30 ta rasmiy uchrashuvda maydonga tushib, o‘z hisobiga 7 ta golli uzatmani yozdirib qo‘ydi.

«Barselona» hozirda Ispaniya chempionati turnir jadvalida ikkinchi o‘rinda bormoqda. Xans-Diter Flik jamoasi «Real»dan ikki ochko ortda qolmoqda. Kataloniyaliklar navbatdagi o‘yinini 22 fevral kuni «Levante»ga qarshi o‘tkazadi.