«Барселона» бош мураббийи Ханс-Дитер Флик ярим ҳимоячи Френки де Йонгнинг ҳаракатларидан мамнун. Германиялик мутахассис нидерландиялик футболчини асосий ярим ҳимоячи деб ҳисоблайди, бироқ шу билан бирга, ундан муҳим ўйинларда интенсивликни (шиддатни) оширишни сўради. Фликнинг фикрича, де Йонг майдонда кўпроқ таваккал қилиб ўйнаши мумкин. Бу ҳақда The Touchline нашри хабар бермоқда.
Жорий мавсумда Френки де Йонг 30 та расмий учрашувда майдонга тушиб, ўз ҳисобига 7 та голли узатмани ёздириб қўйди.
«Барселона» ҳозирда Испания чемпионати турнир жадвалида иккинчи ўринда бормоқда. Ханс-Дитер Флик жамоаси «Реал»дан икки очко ортда қолмоқда. Каталонияликлар навбатдаги ўйинини 22 февраль куни «Леванте»га қарши ўтказади.
