Maykl Kerrik joriy mavsumdan keyin ham «Manchester Yunayted» boshqaruvida qolishni xohlaydimi yoki yo‘q — bu haqdagi savolga javob berdi.

«Bu men uchun shunchaki berilgan navbatchi javob emas. Bu ish menga chindan ham yoqadi, qilayotgan ishimni yaxshi ko‘raman. Omadim kelgan. Bu lavozimda ekanligimdan faxrlanaman. Gap faqat bu yerda ishlay olishimga ishonishimda emas. Buning hissiyotli tomoni ham bor — mas’uliyatni his qilish, klubdagi bosib o‘tilgan yo‘l va unga bo‘lgan muhabbat. Lekin men bu yerga yaxshi jamoa tuzish va muvaffaqiyatga erishish uchun kelganman. Bu qancha davom etishini men hal qilmayman, lekin bu yerda bo‘lish menga zavq bag‘ishlaydi. Modomiki shu yerda ekanman, bor kuchimni beraman», — deya Kerrikning so‘zlarini keltiradi The Touchline.

Dushanba kuni, 23 fevral sanasida «Manchester Yunayted» mehmonda «Everton»ga qarshi maydonga tushadi.