Amsterdamning "Ayaks" klubi ustozi Fred Grim jamoaning jarohat olgan himoyachisi Aleksandr Zinchenko haqida fikr bildirdi. Tizzasidan olgan jarohati tufayli ukrainalik futbolchi mavsum yakuniga qadar safdan chiqdi.
"Zinchenko jarohati sababli o‘zini aybdor his qilmoqda va bu tuyg‘u bilan kurashishga harakat qilyapti. U jamoa bilan xayrlashdi, chunki uning reabilitasiya jarayoni Amsterdamdan tashqarida bo‘lib o‘tadi", — deya bosh murabbiyning so‘zlarini keltiradi Niderlandiya grandi matbuot xizmati.
Ukrainalik futbolchi shu yilning qishida Londonning "Arsenal" klubidan "Ayaks"ga o‘tgan edi. Tomonlar o‘rtasidagi amaldagi shartnoma muddati 2026 yilning yoziga qadar mo‘ljallangan.
Zinchenko 14 fevral kuni "Fortuna"ga qarshi kechgan bahsda jarohat olgan edi.
