Амстердамнинг "Аякс" клуби устози Фред Грим жамоанинг жароҳат олган ҳимоячиси Александр Зинченко ҳақида фикр билдирди. Тиззасидан олган жароҳати туфайли украиналик футболчи мавсум якунига қадар сафдан чиқди.

"Зинченко жароҳати сабабли ўзини айбдор ҳис қилмоқда ва бу туйғу билан курашишга ҳаракат қиляпти. У жамоа билан хайрлашди, чунки унинг реабилитация жараёни Амстердамдан ташқарида бўлиб ўтади", — дея бош мураббийнинг сўзларини келтиради Нидерландия гранди матбуот хизмати.

Украиналик футболчи шу йилнинг қишида Лондоннинг "Арсенал" клубидан "Аякс"га ўтган эди. Томонлар ўртасидаги амалдаги шартнома муддати 2026 йилнинг ёзига қадар мўлжалланган.

Зинченко 14 февраль куни "Фортуна"га қарши кечган баҳсда жароҳат олган эди.