Milanning "Inter" klubi bosh murabbiyi Kristian Kivu A Seriya 26-turi doirasidagi "Lechche"ga qarshi o‘yinda jamoasi nimaning hisobiga g‘alaba qozonganini so‘zlab berdi.
Ruminiyalik mutaxassisning so‘zlariga ko‘ra, standart vaziyatlar hal qiluvchi rolni o‘ynagan.
"Bizda standartlar ko‘p bo‘ldi, ammo birinchi bo‘limda ulardan to‘liq foydalana olmadik", — deya Kivuning so‘zlarini keltiradi "neradzurri" klubi matbuot xizmati.
Uchrashuv "Inter"ning 2:0 hisobidagi g‘alabasi bilan yakunlandi. Ushbu g‘alabadan so‘ng jamoa 64 ochko jamg‘arib, ikkinchi o‘rinda borayotgan "Milan"dan o‘n ochkoga o‘zib ketdi.
"Rossoneri"da bitta zaxira o‘yini mavjud bo‘lib, 22 fevral kuni Massimiliano Allegri jamoasi o‘z uyida "Parma"ni qabul qiladi.
