Milanning "Inter" klubi bosh murabbiyi Kristian Kivu jamoa himoyachisi Denzel Dyumfris va yarim himoyachi Xakan Chalxano‘g‘lining holati haqida ma’lumot berdi.

Har ikki futbolchi hozircha jarohatdan tiklanish jarayonini o‘tamoqda, biroq yaqin vaqt ichida mashg‘ulotlarni qayta boshlashadi.

"Dyumfris oxirgi haftalarda katta o‘sishga erishdi: ertadan u rasman umumiy guruh mashg‘ulotlariga qaytadi va o‘yinga tayyor bo‘ladi. Chalxano‘g‘li ham yaxshi tiklanmoqda, uni dushanba kunidan jamoaga qo‘shilishini kutyapman", — deya mutaxassisning so‘zlarini keltiradi klub matbuot xizmati.

Eslatib o‘tamiz, kecha Italiya A Seriyasining 26-turida "Inter" safarda "Lechche"ni mag‘lub etdi. Uchrashuv 2:0 hisobida yakunlandi.

24 fevral kuni "neradzurri"ni Chempionlar ligasi 1/16 finali doirasida "Budyo-Glimt"ga qarshi javob o‘yini kutmoqda. Birinchi uchrashuvda norvegiyaliklar ustun kelishgan edi (3:1).