Миланнинг "Интер" клуби бош мураббийи Кристиан Киву жамоа ҳимоячиси Дензел Дюмфрис ва ярим ҳимоячи Хакан Чалханўғлининг ҳолати ҳақида маълумот берди.
Ҳар икки футболчи ҳозирча жароҳатдан тикланиш жараёнини ўтамоқда, бироқ яқин вақт ичида машғулотларни қайта бошлашади.
"Дюмфрис охирги ҳафталарда катта ўсишга эришди: эртадан у расман умумий гуруҳ машғулотларига қайтади ва ўйинга тайёр бўлади. Чалханўғли ҳам яхши тикланмоқда, уни душанба кунидан жамоага қўшилишини кутяпман", — дея мутахассиснинг сўзларини келтиради клуб матбуот хизмати.
Эслатиб ўтамиз, кеча Италия А Сериясининг 26-турида "Интер" сафарда "Лечче"ни мағлуб этди. Учрашув 2:0 ҳисобида якунланди.
24 февраль куни "нерадзурри"ни Чемпионлар лигаси 1/16 финали доирасида "Будё-Глимт"га қарши жавоб ўйини кутмоқда. Биринчи учрашувда норвегияликлар устун келишган эди (3:1).
