Kataloniyaning «Barselona» klubi Ispaniya chempionatining navbatdagi 25-turi doirasida «Levante»ga qarshi kechgan bahsda juda tez hisobni ochdi. O‘yinning to‘rtinchi daqiqasidayoq Mark Bernal gol urib, jamoasini oldinga olib chiqdi. Kataloniyaliklar ustozi Hans Flik futbolchining muvaffaqiyatiga munosabat bildirar ekan, Bernalni «kelajak o‘yinchisi» deb atadi.
«Bernal — kelajak o‘yinchisi. Unga katta umid bog‘layapman. Uning kelajagi porloq», — deya Flikning so‘zlarini keltirmoqda klub rasmiy sayti.
Ispaniya chempionatining navbatdagi turida «Barselona» o‘z uyida «Vilyarreal»ni qabul qiladi. Ushbu uchrashuv fevral oyining so‘nggi kunida — 28 fevral sanasida bo‘lib o‘tadi.
