"Real" prezidenti lavozimini egallab turgan Florentino Peres Endrikning "Lion"dagi ishtirokini diqqat bilan kuzatib bormoqda.
Ma’lumki, 19 yoshli hujumchi qishki transfer oynasida Fransiya klubiga ijara asosida o‘tgan edi. "The Touchline" xabariga ko‘ra, Peres Endrikning Fransiyada yaxshi o‘yin ko‘rsatishi va "Lion" tarkibida mustahkam o‘rin egallashidan umid qilmoqda. Agar bu amalga oshsa, braziliyalik futbolchining "Real" asosiy tarkibidan joy olish imkoniyatlari keskin ortadi.
"Lion" safida o‘tkazilgan yettita o‘yinda Endrik beshta gol urdi va sherigiga bitta golli uzatmani amalga oshirdi. "To‘quvchilar" ayni damda Fransiya chempionati turnir jadvalida uchinchi o‘rinni egallab turibdi.













