Portugaliya terma jamoasi ustozi Roberto Martines hujumchi Krishtianu Ronalduning o‘z ishiga bo‘lgan munosabati haqida fikr bildirdi.
Martinesning so‘zlariga ko‘ra, yosh futbolchilarga yordam berish uchun eng oson yo‘l — Ronalduni terma jamoada abadiy qoldirish bo‘lardi.
«Men har kuni ertalab o‘z ustida ishlash va rivojlanish uchun kundan unumli foydalanishga bu darajada e’tibor qaratadigan futbolchi bilan hech qachon ishlamaganman. Agar Krishtianu biz bilan abadiy qolsa, bu terma jamoaga kelayotgan yangi o‘yinchilarga yordam berishning eng oson yo‘li bo‘lardi. U har bir kundan yaxshiroq bo‘lish uchun foydalanishni istaydi», — deya Martinesning so‘zlarini keltiradi «Goal» portali «Portugal Football Summit» podkastiga tayanib.
Shu yilning yozida Portugaliya terma jamoasi Jahon chempionatida ishtirok etadi.
