Португалия терма жамоаси устози Роберто Мартинес ҳужумчи Криштиану Роналдунинг ўз ишига бўлган муносабати ҳақида фикр билдирди.
Мартинеснинг сўзларига кўра, ёш футболчиларга ёрдам бериш учун энг осон йўл — Роналдуни терма жамоада абадий қолдириш бўларди.
«Мен ҳар куни эрталаб ўз устида ишлаш ва ривожланиш учун кундан унумли фойдаланишга бу даражада эътибор қаратадиган футболчи билан ҳеч қачон ишламаганман. Агар Криштиану биз билан абадий қолса, бу терма жамоага келаётган янги ўйинчиларга ёрдам беришнинг энг осон йўли бўларди. У ҳар бир кундан яхшироқ бўлиш учун фойдаланишни истайди», — дея Мартинеснинг сўзларини келтиради «Goal» портали «Portugal Football Summit» подкастига таяниб.
Шу йилнинг ёзида Португалия терма жамоаси Жаҳон чемпионатида иштирок этади.
