Amerikalik yarim himoyachi Ueston Makkenni Turinning "Yuventus" klubi bilan mehnat shartnomasini imzolashga yaqin turibdi. Bu haqda ijtimoiy tarmoqlar orqali insayder Fabrisio Romano ma’lum qildi.
Manbaga ma’lum bo‘lishicha, tomonlar muzokaralar o‘tkazib, bitimning barcha tafsilotlarini kelishib olgan. Bu borada rasmiy ma’lumot tez orada e’lon qilinadi.
Makkenni va "keksa sinyora" o‘rtasidagi mehnat shartnomasi muddati kelasi yozda tugaydi. Uning transfer narxi 22 million yevroga baholanmoqda.
Ueston joriy mavsum "Yuventus" safida 36 ta uchrashuv o‘tkazdi. Yarimhimoyachi yettita gol va yettita golli uzatmaga mualliflik qildi.
