Америкалик ярим ҳимоячи Уэстон Маккенни Туриннинг "Ювентус" клуби билан меҳнат шартномасини имзолашга яқин турибди. Бу ҳақда ижтимоий тармоқлар орқали инсайдер Фабрицио Романо маълум қилди.
Манбага маълум бўлишича, томонлар музокаралар ўтказиб, битимнинг барча тафсилотларини келишиб олган. Бу борада расмий маълумот тез орада эълон қилинади.
Маккенни ва "кекса синьора" ўртасидаги меҳнат шартномаси муддати келаси ёзда тугайди. Унинг трансфер нархи 22 миллион еврога баҳоланмоқда.
Уэстон жорий мавсум "Ювентус" сафида 36 та учрашув ўтказди. Яримҳимоячи еттита гол ва еттита голли узатмага муаллифлик қилди.
