«Nyukasl» klubi «Vulverxempton»ning 23 yoshli ispaniyalik himoyachisi Ugo Bueno bilan shartnoma imzolash imkoniyatlarini ko‘rib chiqmoqda. Bu haqda Football Insider nashri xabar bermoqda.
Manbaning ma’lumotiga ko‘ra, «Vulverxempton» APLdan tushib ketishga yaqin turgani sababli, futbolchi mavsum yakunlanganidan keyin katta ehtimol bilan o‘ziga yangi jamoa qidiradi. «Nyukasl» Buenoni so‘nggi vaqtlarda jarohatlardan aziyat chekayotgan Lyuis Xollga munosib muqobil sifatida ko‘rmoqda.
Ugo Bueno 2022 yildan beri «Vulverxempton» sharafini himoya qilib kelmoqda. Joriy mavsumda u klub safida 27 ta uchrashuvda maydonga tushib, o‘z hisobiga 1 ta gol va 1 ta golli uzatmani yozdirib qo‘ydi.
