«Ньюкасл» клуби «Вулверхэмптон»нинг 23 ёшли испаниялик ҳимоячиси Уго Буэно билан шартнома имзолаш имкониятларини кўриб чиқмоқда. Бу ҳақда Football Insider нашри хабар бермоқда.
Манбанинг маълумотига кўра, «Вулверхэмптон» АПЛдан тушиб кетишга яқин тургани сабабли, футболчи мавсум якунланганидан кейин катта эҳтимол билан ўзига янги жамоа қидиради. «Ньюкасл» Буэнони сўнгги вақтларда жароҳатлардан азият чекаётган Льюис Холлга муносиб муқобил сифатида кўрмоқда.
Уго Буэно 2022 йилдан бери «Вулверхэмптон» шарафини ҳимоя қилиб келмоқда. Жорий мавсумда у клуб сафида 27 та учрашувда майдонга тушиб, ўз ҳисобига 1 та гол ва 1 та голли узатмани ёздириб қўйди.
