"Real" bosh murabbiyi Alvaro Arbeloa "Barselona" prezidenti Joan Laportaning bayonoti haqidagi savolga javob qaytardi.
Kataloniya klubi rahbari avvalroq quyidagicha fikr bildirgandi: "Sosiologik madridchilik "Barsa"ni cho‘ktirmoqchi bo‘ldi, bizni bo‘g‘zimizdan ushlab turishdi. Bartomeu ular uchun foydali vosita edi. Biz klubni saqlab qoldik".
"Men prezidentlikka nomzod Laportaning so‘zlariga izoh bermayman.
Men uchun eng katta janjal shuki, ispan futboli tarixidagi eng jiddiy ish - Negreyra ishi boshlanganidan uch yil o‘tib hamon ochilmay qolmoqda", - dedi Arbeloa.













