«Barselona» prezidentligiga nomzod Viktor Font klub atrofidagi tez-tez takrorlanayotgan janjallar haqida fikr bildirdi. Avvalroq «ko‘k-anorranglilar», jumladan, hakamlarni sotib olish va buxgalteriya hisobotlaridagi firibgarliklarda ayblangan edi.
«Biz sud jarayonlariga aralashib qolmaydigan «Barselona» haqida orzu qilamiz. Bu voqealar klubga zarar yetkazishini yaxshi bilamiz. Neymar, Negreyra, Bartomeu ishi... Klub bir marta hukm qilingan edi. Bundan tashqari, biz shunday mamlakatda yashayapmizki, u bizning azoblanishimizni istayotgandek tuyuladi. Bizni qaysi hakamning huzuriga olib borishlarini kim biladi deysiz?» — deya Fontning so‘zlarini keltirmoqda AS nashri El Món a RAC1’ga tayanib.
«Barselona» prezidentligi uchun saylovlar joriy yilning 15 martida bo‘lib o‘tadi. Klubning yangi prezidenti 1 iyuldan o‘z vazifasini bajarishga kirishadi.
