«Chelsi» transfer bozorida tarkibni kuchaytirish variantlarini o‘rganmoqda. «Transfer News Live» nashrining «Defensa Central»ga tayanib xabar berishicha, Angliya Premyer-ligasi grandi e’tibor markazida madridning «Real» klubi yarim himoyachisi Orelyen Tchuameni turibdi.
Yozgi transfer oynasida «Chelsi» Tchuameni bo‘yicha «Real»ga taklif yuborishi mumkin. Shu bilan birga, Madrid klubi 26 yoshli fransuz bilan xayrlashish niyatida emas. Ushbu kelishuv faqat Orelyenning o‘zi qiziqish bildirgan va maoshining oshirilishini istagan taqdirdagina amalga oshishi mumkin.
Nufuzli «Transfermarkt» portali mutaxassislari Orelyen Tchuamenini 75 million yevroga baholamoqda.
