«Челси» трансфер бозорида таркибни кучайтириш вариантларини ўрганмоқда. «Transfer News Live» нашрининг «Defensa Central»га таяниб хабар беришича, Англия Премьер-лигаси гранди эътибор марказида мадриднинг «Реал» клуби ярим ҳимоячиси Орельен Тчуамени турибди.
Ёзги трансфер ойнасида «Челси» Тчуамени бўйича «Реал»га таклиф юбориши мумкин. Шу билан бирга, Мадрид клуби 26 ёшли француз билан хайрлашиш ниятида эмас. Ушбу келишув фақат Орельеннинг ўзи қизиқиш билдирган ва маошининг оширилишини истаган тақдирдагина амалга ошиши мумкин.
Нуфузли «Transfermarkt» портали мутахассислари Орельен Тчуаменини 75 миллион еврога баҳоламоқда.
