O‘tmishning mashhur futbolchisi Pol Skoulz Viktor Dyokereshning yaqinda «Tottenxem»ga qarshi bo‘lib o‘tgan o‘yindagi harakatlarini yuqori baholadi.
«Arsenal»ning shvesiyalik hujumchisi dubl qayd etib, o‘z jamoasiga London derbisida «shporlar» ustidan g‘alaba qozonishga (4:1) yordam berdi.
«Menimcha, u bilan birga o‘ynash sizga zavq bag‘ishlagan bo‘lardi, u maydonda bor kuchini berib harakat qiladi. Ehtimol, Viktor o‘zi ko‘rgan eng tartibsiz himoya chizig‘iga qarshi o‘ynagandir», — dedi ekspert «The Good, The Bad and The Football» ko‘rsatuvida.
Joriy mavsumda 27 yoshli futbolchi barcha turnirlarda 36 ta o‘yinda ishtirok etib, o‘z hisobiga 15 ta gol va ikkita golli uzatmani yozdirib qo‘ydi. Eslatib o‘tamiz, u 2025 yilning yozida Lissabonning «Sporting» klubidan Angliyaga ko‘chib o‘tgan edi.
