Ўтмишнинг машҳур футболчиси Пол Скоулз Виктор Дьёкерешнинг яқинда «Тоттенхэм»га қарши бўлиб ўтган ўйиндаги ҳаракатларини юқори баҳолади.

«Арсенал»нинг швециялик ҳужумчиси дубль қайд этиб, ўз жамоасига Лондон дербисида «шпорлар» устидан ғалаба қозонишга (4:1) ёрдам берди.

«Менимча, у билан бирга ўйнаш сизга завқ бағишлаган бўларди, у майдонда бор кучини бериб ҳаракат қилади. Эҳтимол, Виктор ўзи кўрган энг тартибсиз ҳимоя чизиғига қарши ўйнагандир», — деди эксперт «The Good, The Bad and The Football» кўрсатувида.

Жорий мавсумда 27 ёшли футболчи барча турнирларда 36 та ўйинда иштирок этиб, ўз ҳисобига 15 та гол ва иккита голли узатмани ёздириб қўйди. Эслатиб ўтамиз, у 2025 йилнинг ёзида Лиссабоннинг «Спортинг» клубидан Англияга кўчиб ўтган эди.