Angliyaning «Manchester Siti» va «Arsenal» klublari «Brayton»ning 20 yoshli markaziy yarim himoyachisi Jek Xinshelvud bilan shartnoma imzolash variantlarini ko‘rib chiqmoqda. Bu haqda «CaughtOffside» nashri xabar bermoqda.
Ekspertlar futbolchining uzatmalar aniqligi ko‘rsatkichi yuqoriligini (87%) alohida qayd etishmoqda, bu ko‘rsatkich hatto agressiv pressing ostida ham saqlanib qolmoqda. Xinshelvud yarim himoyada ham, o‘ng qanot himoyachisi pozisiyasida ham o‘ynay oladi. O‘zining futbolchilik fazilatlariga ko‘ra, uni Jeyms Milnerga qiyoslashmoqda.
Xinshelvud butun faoliyati davomida «Brayton» sharafini himoya qilib kelmoqda. Joriy mavsumda u klub safida 19 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
