Англиянинг «Манчестер Сити» ва «Арсенал» клублари «Брайтон»нинг 20 ёшли марказий ярим ҳимоячиси Жек Хиншелвуд билан шартнома имзолаш вариантларини кўриб чиқмоқда. Бу ҳақда «CaughtOffside» нашри хабар бермоқда.

Экспертлар футболчининг узатмалар аниқлиги кўрсаткичи юқорилигини (87%) алоҳида қайд этишмоқда, бу кўрсаткич ҳатто агрессив прессинг остида ҳам сақланиб қолмоқда. Хиншелвуд ярим ҳимояда ҳам, ўнг қанот ҳимоячиси позициясида ҳам ўйнай олади. Ўзининг футболчилик фазилатларига кўра, уни Жеймс Милнерга қиёслашмоқда.

Хиншелвуд бутун фаолияти давомида «Брайтон» шарафини ҳимоя қилиб келмоқда. Жорий мавсумда у клуб сафида 19 та ўйинда майдонга тушиб, 1 та гол урди ва 1 та голли узатмани амалга оширди.