Altoy Bayindir shu yozda Turkiyaga qaytadi.
«Fanatik» nashrining xabar berishicha, «Manchester Yunayted» darvozaboni «Beshiktosh» klubi bilan kelishuvga erishgan. Transfer amalga oshgach, u yiliga 2 million yevro maosh oladi.
Shuningdek, Turkiya Superligasi klubi «MYU» bilan ham kelishib olgan. Mankunianliklar darvozabonni 5 million yevro evaziga sotishga rozi bo‘lishgan.
«MYU»ga o‘tishdan avval Bayindir besh mavsum davomida «Fenerbaxche» sharafini himoya qilgan edi. Uning «Old Trafford»dan ketishiga «Manchester Yunayted»ning yangi darvozaboni Senne Lammensning ishonchli o‘yini sabab bo‘lgani aytilmoqda.













