Алтой Байиндир шу ёзда Туркияга қайтади.
«Fanatik» нашрининг хабар беришича, «Манчестер Юнайтед» дарвозабони «Бешиктош» клуби билан келишувга эришган. Трансфер амалга ошгач, у йилига 2 миллион евро маош олади.
Шунингдек, Туркия Суперлигаси клуби «МЮ» билан ҳам келишиб олган. Манкунианликлар дарвозабонни 5 миллион евро эвазига сотишга рози бўлишган.
«МЮ»га ўтишдан аввал Байиндир беш мавсум давомида «Фенербахче» шарафини ҳимоя қилган эди. Унинг «Олд Траффорд»дан кетишига «Манчестер Юнайтед»нинг янги дарвозабони Сенне Ламменснинг ишончли ўйини сабаб бўлгани айтилмоқда.
