"Manchester Siti" bosh murabbiyi Xosep Gvardiola joriy mavsum yakunlangach, o‘z lavozimini tark etishi mumkin. The Touchline nashrining X ijtimoiy tarmog‘idagi ma’lumotiga ko‘ra, ispaniyalik mutaxassis Manchester klubidagi faoliyatini yakunlagach, birgina orzusi - jahon chempionligini qo‘lga kiritish bo‘ladi.
Gvardiola biror terma jamoani boshqarishni rejalashtirmayapti, ammo u xalqaro maydonda raqobatlasha oladigan jamoani boshqarishni istamoqda. Ispaniyalik "Manchester Siti"ni 2016 yildan buyon boshqarib kelmoqda. Uning faoliyati davomida klub 18 ta sovrinni qo‘lga kiritdi, shu jumladan oltita Angliya chempionligi. Gvardiolaning "Manchester Siti" bilan shartnomasi 2027 yilning yozigacha amal qiladi.
