«Monako» bosh murabbiyi Sebastyen Pokonyoli Chempionlar ligasi pley-off bosqichi doirasida «PSJ»ga qarshi bo‘lib o‘tgan javob o‘yinida (2:2) Mamadu Kulibalining maydondan chetlatilishiga izoh berdi.

«Mamadu Kulibalining chetlatilishi (58-daqiqada) — o‘yinning burilish nuqtasi bo‘ldimi? — Ha. Xuddi birinchi uchrashuvda Golovinning chetlatilishi kabi. Kartochka — va ketidan darhol o‘tkazib yuborilgan gol. Menimcha, u nohaq berilgan edi. Men bu qarorni juda qattiqqo‘llik deb hisoblayman, ayniqsa u ikkita sariq kartochkani bor-yo‘g‘i besh daqiqa ichida oldi. Agar hakam bunday kartochka ko‘rsatar ekan, uni Ernandesga ham ko‘rsatishi mumkin edi. Kulibali — yosh futbolchi, Ernandes esa — jahon chempioni, ammo aynan unga tinchlanishni aytishmoqda. Bu ikki xil standartlar. «Monako» bilan bunday holat juda tez-tez sodir bo‘lmoqda. Va albatta, ma’lum bir g‘azab bor», — deya Pokonyolining so‘zlarini keltiradi L'Équipe.

Eslatib o‘tamiz, «Monako»ning «PSJ» bilan birinchi o‘yinida (2:3) monegasklar tarkibida rossiyalik yarim himoyachi Aleksandr Golovin maydondan chetlatilgan edi. Chempionlar ligasining 1/8 finalida «PSJ» «Barselona» yoki «Chelsi» bilan o‘ynaydi.