"Real" bosh murabbiyi Alvaro Arbeloa Chempionlar ligasi pley-off bosqichi doirasida "Benfika"ga qarshi bo‘lib o‘tgan javob o‘yini (2:1) qaydnomasiga kiritilmagan hujumchi Kilian Mbappening sog‘lig‘i haqida fikr bildirdi. Avvalroq hujumchini tizzasidagi noqulaylik bezovta qilayotgani xabar qilingan edi.
"Men noqulaylik va jarohat o‘rtasidagi farq nimada ekanligini ayta olmayman. Eng yaxshi qaror — to‘xtash va tiklanish edi. U o‘ynay olmaydi. Umid qilamizki, u bir necha kun yoki haftadan keyin safga qaytadi", — deya Arbeloaning so‘zlarini keltiradi Football Espana.
"Real" ikki o‘yin natijasiga ko‘ra "Benfika"ni mag‘lub etdi va Chempionlar ligasining 1/8 finaliga yo‘l oldi.
