«Barselona» yangilangan «Kamp Nou» stadionining 14 000 o‘ringa kengaytirilishi munosabati bilan yangi mavsumiy abonementlar sotuvi boshlanganini e’lon qildi.
Klub «Gol Nord» (Shimoliy tribuna) qismida joylashgan birinchi qavatning kengaytirilgan sig‘imiga (Phase 1C) muvofiq mavsumiy abonementlar uchun ro‘yxatga olishni ochdi.
Bu 2025/2026 yilgi mavsum uchun «Kamp Nou» abonementlariga ega bo‘lgan yoki ularni hali sotib olmagan «sosyos»larga (klub a’zolariga) taalluqlidir. Yangi bosqich taxminan 14 000 ta qo‘shimcha o‘rindiqni taqdim etadi va bu stadionga bosqichma-bosqich qaytish yo‘lidagi oldinga tashlangan qadamdir.
«Klub yaqin haftalar ichida Barselona shahar kengashidan birinchi qavat (Phase 1C) bo‘yicha yakuniy rozilikni kutmoqda. Mavsumiy abonementlarning faollashtirilishi aynan ushbu ruxsatnomani olishga bog‘liq bo‘ladi», — deyiladi «Barsa» bayonotida.
