«Барселона» янгиланган «Камп Ноу» стадионининг 14 000 ўринга кенгайтирилиши муносабати билан янги мавсумий абонементлар сотуви бошланганини эълон қилди.
Клуб «Gol Nord» (Шимолий трибуна) қисмида жойлашган биринчи қаватнинг кенгайтирилган сиғимига (Phase 1C) мувофиқ мавсумий абонементлар учун рўйхатга олишни очди.
Бу 2025/2026 йилги мавсум учун «Камп Ноу» абонементларига эга бўлган ёки уларни ҳали сотиб олмаган «сосьос»ларга (клуб аъзоларига) тааллуқлидир. Янги босқич тахминан 14 000 та қўшимча ўриндиқни тақдим этади ва бу стадионга босқичма-босқич қайтиш йўлидаги олдинга ташланган қадамдир.
«Клуб яқин ҳафталар ичида Барселона шаҳар кенгашидан биринчи қават (Phase 1C) бўйича якуний розиликни кутмоқда. Мавсумий абонементларнинг фаоллаштирилиши айнан ушбу рухсатномани олишга боғлиқ бўлади», — дейилади «Барса» баёнотида.
