Markus Tyuram «Inter»ni tark etishga asosiy nomzodlardan biri bo‘lib turibdi.
La Repubblica nashrining xabar berishicha, «Inter»ning Chempionlar ligasidan erta chiqib ketgani (pley-off bosqichida Norvegiyaning «Budyo-Glimt» jamoasidan uchralgan mag‘lubiyatdan so‘ng) klubni moliyaviy yo‘qotishlarni qoplash uchun yulduz futbolchilaridan biri bilan xayrlashishga majbur qilmoqda. O‘tgan mavsumda milanliklar UEFAdan 137 million yevro daromad olgan bo‘lsa, joriy mavsumda bu ko‘rsatkich taxminan 71 million yevroni tashkil etdi.
2023 yilda erkin agent sifatida kelib qo‘shilgan Tyuramning sotilishi klub uchun eng katta sof foyda keltiradigan variant sifatida ko‘rilmoqda. Ayniqsa, hujumchining so‘nggi paytlardagi o‘yini avvalgi darajada emasligi va tarkibda Franchesko Pio Espozito kabi yosh iqtidorlarning porlab chiqayotgani bu transfer ehtimolini oshirmoqda.
Shuningdek, himoyachi Denzel Dumfris ham yozda jamoani tark etishi mumkin. Unga «Liverpul» va bir qator APL klublari qiziqish bildirmoqda.
