Маркус Тюрам «Интер»ни тарк этишга асосий номзодлардан бири бўлиб турибди.
La Repubblica нашрининг хабар беришича, «Интер»нинг Чемпионлар лигасидан эрта чиқиб кетгани (плей-офф босқичида Норвегиянинг «Будё-Глимт» жамоасидан учралган мағлубиятдан сўнг) клубни молиявий йўқотишларни қоплаш учун юлдуз футболчиларидан бири билан хайрлашишга мажбур қилмоқда. Ўтган мавсумда миланликлар УEФАдан 137 миллион евро даромад олган бўлса, жорий мавсумда бу кўрсаткич тахминан 71 миллион еврони ташкил этди.
2023 йилда эркин агент сифатида келиб қўшилган Тюрамнинг сотилиши клуб учун энг катта соф фойда келтирадиган вариант сифатида кўрилмоқда. Айниқса, ҳужумчининг сўнгги пайтлардаги ўйини аввалги даражада эмаслиги ва таркибда Франческо Пио Эспозито каби ёш иқтидорларнинг порлаб чиқаётгани бу трансфер эҳтимолини оширмоқда.
Шунингдек, ҳимоячи Дензел Думфрис ҳам ёзда жамоани тарк этиши мумкин. Унга «Ливерпуль» ва бир қатор АПЛ клублари қизиқиш билдирмоқда.
