"Vulverxempton" yarim himoyachisi Andre "Yuventus" klubining qiziqishlar doirasiga tushdi. Sky Sport nashri bergan ma’lumotga ko‘ra, "keksa sinyora" bosh murabbiyi Luchano Spalletti yarim himoya chizig‘ini kuchaytirishni rejalashtirgan va "bo‘rilar"ning braziliyalik xavbeki potensial transfer maqsadlaridan biri sifatida belgilangan. Italiyalik murabbiy 24 yoshli futbolchining qobiliyatlarini yuqori baholamoqda.
Transfermarkt portalida Andrening narxi 28 mln yevro etib ko‘rsatilgan. Futbolchining "Vulverxempton" bilan amaldagi shartnomasi 2029 yilgacha mo‘ljallangan bo‘lsa-da, jamoaning Premyer-ligadan tushib ketishi deyarli aniq bo‘lib ulgurgani kelayotgan yozda ushbu tayanch yarim himoyachisini o‘z safiga qo‘shib olmoqchi bo‘lgan klublar ishini ancha osonlashtirishi mumkin.
