"Вулверхэмптон" ярим ҳимоячиси Андре "Ювентус" клубининг қизиқишлар доирасига тушди. Sky Sport нашри берган маълумотга кўра, "кекса синьора" бош мураббийи Лучано Спаллетти ярим ҳимоя чизиғини кучайтиришни режалаштирган ва "бўрилар"нинг бразилиялик хавбеки потенциал трансфер мақсадларидан бири сифатида белгиланган. Италиялик мураббий 24 ёшли футболчининг қобилиятларини юқори баҳоламоқда.

Transfermarkt порталида Андренинг нархи 28 млн евро этиб кўрсатилган. Футболчининг "Вулверхэмптон" билан амалдаги шартномаси 2029 йилгача мўлжалланган бўлса-да, жамоанинг Премьер-лигадан тушиб кетиши деярли аниқ бўлиб улгургани келаётган ёзда ушбу таянч ярим ҳимоячисини ўз сафига қўшиб олмоқчи бўлган клублар ишини анча осонлаштириши мумкин.