«Arsenal» bosh murabbiyi Mikel Arteta Chempionlar ligasi 1/8 final bosqichi uchun bo‘lib o‘tgan qur’a natijalari haqida to‘xtaldi. Ushbu bosqichda «kanonirlar» Germaniyaning «Bayer» jamoasiga qarshi bahs olib boradigan bo‘ldi.
«Keyingi bosqichda o‘ynashdan juda xursandmiz. Umumiy bosqichda amalga oshirgan ishlarimiz tufayli kuchli pozisiyada bo‘lishga loyiq edik — bor gap shu. Endi biz raqibni tahlil qilishni boshlashimiz va keyingi bosqichga chiqish uchun ulardan yaxshiroq bo‘lish yo‘llarini topishimiz kerak», — dedi Arteta jurnalistlarga.
1/8 finalning dastlabki uchrashuvini «Bayer» va «Arsenal» 11 mart kuni Germaniyada, javob o‘yinini esa 17 mart kuni Angliyada o‘tkazishadi.
