«Арсенал» бош мураббийи Микель Артета Чемпионлар лигаси 1/8 финал босқичи учун бўлиб ўтган қуръа натижалари ҳақида тўхталди. Ушбу босқичда «канонирлар» Германиянинг «Байер» жамоасига қарши баҳс олиб борадиган бўлди.
«Кейинги босқичда ўйнашдан жуда хурсандмиз. Умумий босқичда амалга оширган ишларимиз туфайли кучли позицияда бўлишга лойиқ эдик — бор гап шу. Энди биз рақибни таҳлил қилишни бошлашимиз ва кейинги босқичга чиқиш учун улардан яхшироқ бўлиш йўлларини топишимиз керак», — деди Артета журналистларга.
1/8 финалнинг дастлабки учрашувини «Байер» ва «Арсенал» 11 март куни Германияда, жавоб ўйинини эса 17 март куни Англияда ўтказишади.
