"Arsenal" bosh murabbiyi Mikel Arteta hujumchi Viktor Dyokereshning o‘yini haqidagi fikrlari bilan o‘rtoqlashdi.

Shvesiyalik futbolchi bu mavsumda gol urish bo‘yicha tez-tez tanqid qilinmoqda. U yaqinda "Tottenxem"ga qarshi derbida ikki marta gol urdi.

"Viktor o‘ziga bo‘lgan ishonchini oshirdimi? Ishonch har bir kishi uchun asosiy ustundir. Sizni qadrlashganda va qo‘llab-quvvatlashganda kutgan darajaga erishishingiz ancha osonlashadi.

Menimcha, Dyokeresh endi o‘zini shunga o‘xshash his qilmoqda. Albatta, bu uning o‘yiniga ijobiy ta’sir ko‘rsatadi", dedi Arteta matbuot anjumanida.