Bugun, 28 fevral kuni Angliya Premyer-ligasining 28-turi beshta qiziqarli bahs bilan davom etadi. Quyida ushbu o‘yinlarning anonsi va jamoalardagi holat bilan tanishing:
"BORNMUT" — "SANDERLEND" | 17:30
"Bornmut"ning Premyer-ligadagi mag‘lubiyatsiz seriyasi 7 ta o‘yinga yetdi (4 g‘alaba, 3 durang) — faqat "Manchester Yunayted"da bu ko‘rsatkich yaxshiroq. "Sanderlend" esa oxirgi uch o‘yinda imkoniyatni boy berdi. Shunga qaramay, "qora mushuklar" "Bornmut" mehmoni bo‘lgan oxirgi to‘rt o‘yinning uchtasida g‘alaba qozonishgan.
Tarkibdagi yo‘qotishlar: "Bornmut" safida Xulio Soler, Ben Doak va Jastin Klyuyvert yo‘q. "Sanderlend"da esa Reynildu Mandava va Brayan Brobbi kabi futbolchilarning holati so‘roq ostida.
"BYORNLI" — "BRENTFORD" | 20:00
"Byornli" o‘z uyidagi oxirgi 34 o‘yinning faqat 4 tasida g‘alaba qozongan. "Brentford" esa aksincha, safardagi oxirgi besh o‘yinning to‘rttasida zafar quchdi.
Tarkibdagi yo‘qotishlar: "Byornli"da Aksel Tuanzebe, Armando Broyya va Mayk Tresor kabi ko‘plab o‘yinchilar jarohatlangan. Mehmonlarda esa Fabiu Karvalyu jamoaga yordam bera olmaydi.
"LIVERPUL" — "VEST XEM" | 20:00
Arne Slot shogirdlari o‘tgan mavsum boshidagi kabi ketma-ket uchta o‘yinda gol o‘tkazmasdan g‘alaba qozonishlari mumkin. "Vest Xem" esa so‘nggi olti o‘yinda 11 ochko jamg‘arib, ancha jonlanib qolgan.
Tarkibdagi yo‘qotishlar: "Liverpul" yulduzi Florian Virsning belida muammo bor, Aleksander Isak hamon safda yo‘q, ammo Djeremi Frimpong qaytdi. "Vest Xem"da Freddi Potts diskvalifikasiya qilingan.
"NYUKASL" — "EVERTON" | 20:00
23-turdan beri hech bir jamoa "Nyukasl"chalik ko‘p mag‘lubiyatga uchramadi (4 ta). "Everton" esa 2025 yil yanvaridan beri ilk bor ketma-ket uch o‘yinda yutqazib qo‘yish xavfi ostida.
Tarkibdagi yo‘qotishlar: "Qarg‘alar" safida Bruno Gimaraes va Fabian Sher kabi yetakchilar yo‘q. "Everton"da Jek Grilish jarohatlangan, ammo Jeyk O'Brayen safga qaytdi.
"LIDS" — "MANCHESTER SITI" | 22:30
"Lids" dekabr oyidan beri ligada eng ko‘p durang o‘ynagan jamoa (8 marta) bo‘lib turibdi. "Manchester Siti" esa "Lids" bilan oxirgi beshta to‘qnashuvning barchasida g‘alaba qozongan. Gvardiola jamoasi "Arsenal"dan bir kun oldin o‘ynaydigan bahslarda deyarli xato qilmayapti.
Tarkibdagi yo‘qotishlar: "Siti"da Yoshko Gvardiol va Mate Kovachich lazaretda qolmoqda, ammo Jeremi Doku mashg‘ulotlarga qaytdi.
