«Bavariya» safarda Germaniya chempionatining 24-turidan o‘rin olgan o‘yinda Dortmundning «Borussiya» jamoasi ustidan g‘alaba qozondi — 3:2.
O‘yinda hisobni maydon egalari ochishdi — 26-daqiqada Niko Shlotterbek gol urdi. Ikkinchi bo‘limda mehmonlar 16 daqiqa ichida ikki bor darvozani ishg‘ol qilishdi — Xarri Keyn dubl qayd etdi. Asosiy vaqt tugashiga yetti daqiqa qolganda Daniel Svensson hisobni tenglashtirdi. 87-daqiqada Yozua Kimmix g‘alaba golini kiritdi.
«Bavariya» ketma-ket to‘rtinchi g‘alabasini qo‘lga kiritdi. Vensan Kompani jamoasi 63 ochko jamg‘ardi va Bundesliga jadvalida birinchi o‘rinni egallab turibdi.
«Borussiya» 52 ochko bilan ikkinchi pog‘onada bormoqda.
Germaniya Bundesligasi. 24-tur
28.02.2026 | 22:30
«Signal Iduna Park», Dortmund
«BORUSSIYA D» — «BAVARIYA» — 2:3
Gollar: Shlotterbek 26 (1:0), Keyn 54 (1:1), Keyn 70 - penaltidan (1:2), Svensson 83 (2:2), Kimmix 87 (2:3).
«Borussiya D»: Kobel, Shlotterbek, Anton, Emre Djan (Bensebaini, 45), Svensson, Nmecha (Bellingem, 75), Zabitser, Koutu, Bayer (Inasio, 75), Adeyemi (Brandt, 75), Silva (Girassi, 67).
«Bavariya»: Urbig, Laymer (Bishof, 90), Ta, Upamekano, Stanishich, Pavlovich, Kimmix (Goreska, 90), Dias, Gnabri (Musiala, 62), Olise (Kim Min Dje, 90), Keyn.
Ogohlantirish: Shlotterbek (20).
